د لغمان علینګار کې پر ۳٠ کورنیو وزې ووېشل شوې
۱۵ وری ۱۴۰۳ه.ش
۲۴ رَمَضانُ المُبارَک ۱۴۴۵ه.ق
د لغمان ولایت دکرنې، اوبولګولو او مالدارۍ ریاست، د ډاکار مؤسسې په همکارۍ ددې ولایت په علینګار ولسوالی کې پر ۳٠ بېوزلو کورنیو وزې او اړونده توکي وېشلي دي.
ددې مرستې په لړ کې هرې کورنۍ ته وزې او د څارویو خوراکي توکي ورکړل شوي دي.
د یادونې وړ ده، چې د نوموړو کورنیو د تشخیص او انتخاب سروې په شفاف ډول ترسره شوې ده.
ددې مرستې موخه د بېوزلو کورنیو ملاتړ او په ټوله کې په دې ولایت کې د مالدارۍ سکټور ته وده او پراختیا ورکول دي.
دا په داسې حال کې ده، چې څو ورځې مخکې د یادې مؤسسې په همکارۍ د لغمان ولایت د علیشنګ په ولسوالی کې هم پر ۳۰ بېوزلو کورنیو وزې او اړونده توکي وېشل شوې وه.
