میدان وردګو کې پر لسګونو مالدارانو نغدې پیسې ووېشل شوې
۸ وری ۱۴۰۳ه.ش
۱۷ رَمَضانُ المُبارَک ۱۴۴۵ه.ق
د میدان وردګو ولایت دکرنې، اوبولګولو او مالدارۍ ریاست د کرنې د پراختیا نړیوال صندوق په مالي او د افغانستان لپاره د هالنډ کمېټې په تخنیکي همکارۍ ددې ولایت د چک او جغتو ولسوالیو پر ۲۰۰ مالدارو کورنیو د دوی د مالدارۍ د ودې او پراختیا په موخه نغدې پیسې وېشلي دي.
د میدان وردګو ولایت دکرنې ریاست د چارواکو په خبره ددې مرستې په ترڅ کې هرې کورنۍ ته دوه زره افغانۍ د دوی د څارویو د خوندیتوب په موخه ورکړل شوي دي.
ددې مرستې موخه د بېوزله مالدارنو ملاتړ او په ټوله کې د مالدارۍ سکټور خوندیتوب او پراختیاته زمینه برابرول دي.
