د پکتیکا په مرکز کې یوشمېر نباتي درمل پلورنځۍ وڅارل شوې
۵ وری ۱۴۰۳ه.ش
۱۴ رَمَضانُ المُبارَک ۱۴۴۵ه.ق
د پکتیکا ولایت د کرنې، اوبولګولو او مالدارۍ ریاست اړوند د کرنیزو آمریت مسلکي کارکوونکو لخوا ددې ولایت مرکز یو شمېر نباتي درملتونونه وڅارل شول.
د یادې څارنې په ترڅ کې اړونده درمل پلورونکو ته سپارښتنې وشوې ترڅو د بې کیفیته او تاریخ تېرو درملو له پېر او پلور څخه ډډه او د درملتونونو پاکوالي ته پاملرنه وکړي.
د دغې څارنې او ارزونې څخه موخه داده ترڅو د بې کيفيته او تاريخ تېرو درملو د پلور مخه ونیول شي، په خپل سر ددرمل پلورنځیو پرانیستلو او د غير قانونې درملو مخنيوي وشي.
