دکرنې وزارت او د سټنډرډ ملي ادارې ترمنځ د ځمکې د لېږد تړون لاسلیک شو
۲ وری ۱۴۰۳ه.ش
۱۱ رَمَضانُ المُبارَک ۱۴۴۵ه.ق
دکرنې، اوبولګولو او مالدارۍ وزارت د ځمکو چارو ریاست او د سټنډرډ ملي ادارې «انسا» ترمنځ؛ دپنځه جریبه ځمکې د لېږد تړون لاسلیک شو.
دغه تړون د کرنې وزارت د ځمکو د تنظیم او وېش رییس مولوی سید محمد سعید او د سټنډرډ ملي ادارې «انسا» مالي او اداري مرستیال مولوی محمدعبدالله ترمنځ لاسلیک شوی دی.
د کرنې، اوبولګولو او مالدارۍ وزارت د ځمکو چارو لوی ریاست چارواکي وایي، چې د عالیقدر امیرالمؤمنین حفظه الله د ۹۹۸ ګنې فرمان له مخې د ځمکو چارو عمومي ریاست لخوا د خوست په ولایت کې د لابراټوار او کمپلکس جوړولو په موخه د سټنډرډ ملي ادارې ته د پنځه جریه ځمکې د لېږد تړون لاسلیک شو.
دکرنې وزارت د ځمکو چارو ریاست د چارواکو په خبره ددې تړون له مخې د خوست په ولایت کې د لابراټوار او کمپلکس جوړولو په موخه پنځه جریبه ځمکه د سټنډرډ ملي ادارې ته لېږدول کېږي.
