کندهار کې پر ۵۰۰ کورنیو د کورنیو باغچو اړونده توکي ووېشل شوې
۱ وری ۱۴۰۳ه.ش
۱۰ رَمَضانُ المُبارَک ۱۴۴۵ه.ق
دکندهار ولایت د کرنې، اوبولګولو او مالدارۍ ریاست د «اکټېډ» مؤسسې په تخنیکي همکارۍ ددې ولایت په ۶،۷،۸ ناحیو کې پر ۵۰۰ کورنیو د کورنیو باغچو اړونده توکي او د سبو تخمونه وېشلي دي.
د یادو مرستو په لړ کې هرې کورنۍ ته د کورنیو باغچو لپاره د سبو اته ډوله تخمونه او ترڅنګ یې کرنیز توکي ورکړل شوي دي.
نوموړو کورنیو ته همدارنګه د سبو د ښې روزنې په برخه کې زده کړې هم ورکول کېږي.
ددې مرستې موخه د بېوزله کورنیو ملاتړ، مېرمنو ته په کور دننه د کار زمینه برابرول، په دې ولایت کې د کورنیو باغچو دودول او په ټوله کې د کورنیو خوړو خوندیتوب تامينول دي.
