د ننګرهار کانال شرکت: د ترکاڼۍ فابريکې د توکو مينه وال ډېر او د بهرینو هغو ځای یې نیولې
۲۸ کب ۱۴۰۲ه.ش
۸ رَمَضانُ المُبارَک ۱۴۴۵ه.ق
د ننګرهار کانال شرکت چارواکي وايي، د کانال اړوند د ترکاڼۍ فابریکه د لسګونو کلونو ځنډ وروسته بیا فعاله شوې، چې په دې فابریکه کې د جوړو شویو توکو مینه وال ډېر شوي او د بهرنیو هغو ځای یې نیولی دی.
د کانال د چارواکو په خبره، د کانال د ترکاڼۍ فابریکه له ۳۲کلن ځنډ وروسته یو ځل بیا فعاله شوه او تمه ده، چې د پخوا په څېر به تولیدات ولري او د هېواد ګڼو سیمو ته به خپل توکي ورسوي.
ياده فابريکه کابو دوه دېرش کاله وړاندې د بهسودو ولسوالۍ اړوند ثمرخېلو سيمه کې په دوه شپيته جريبه ځمکه کې فعاله وه، چې په کې سلګونه کسان په کار بوخت وو او د هېواد د بېلابېلو سیمو له لرګيو څخه به په کې دروازې، څوکۍ، مېزونه، فرنيچرې او نور توکي جوړېدل؛ خو د کورنیو جګړو له امله یې فعاليت ودرېد.
د کانال مسوولین وايي، يادې فابريکې هغه مهال بېلابېل ډوله ماشينونه لرل، چې د اسيا په کچه يې نوم درلود؛ خو اوس يوځل بيا هڅه کيږي، چې د اوسني عصر سره سم مجهز ماشینونه پکې فعاله کړي او نمونهيي توکي جوړ کړي.
اوس مهال په دی فابرېکه کې مسلکي کسان په کار بوخت دي میزونه، کوچونه، چوکۍ، المارۍ، کوډ بندونه او د کانال د بېلابېلو امریتونو، او مدیریتونو کې شته د ترکاڼۍ د برخې
د ننګرهار د کانال شرکت زرګونه جریبه ځمکه لري او زرګونه ونې هم لري، چې له لرګیو څخه یې په دغه فابریکه کې توکي جوړېږي.
