د هلمند موسی کلا کې زرو مالدارانو سره مرستې وشوې
۲۲ کب ۱۴۰۲ه.ش
۲ رَمَضانُ المُبارَک ۱۴۴۵ه.ق
دهلمند ولایت د کرنې، اوبولګولو او مالدارۍ ریاست لخوا، د بشري خیریه مؤسسې په همکارۍ ددې ولایت د موسی کلا ولسوالی زرو مالدارانو سره د څارویو د خوراکي توکو او شوتلې تخمونو مرسته وشوه.
ددغو مرستو په لړ کې د یادې ولسوالی ١٠٠٠ کورنیو ته د څارویو ٤ - ٤ بوجۍ حیواني خوراکه ، هرې کورنۍ ته ٣کیلو د شفتلې تخم او د حیواني ناروغیو مخنیوی په اړه روزنه ورکړل شوې ده.
د هلمند د کرنې ریاست هڅه کوي ترڅو دبېلابېلو برنامو له لارې د بزګرو او مالدارو لاسنیوی وکړي ترڅو د دوی په کرنیز اقتصاد کې بهبود او نوښت رامنځته شي.
