هلمند کې د اوبو پر درېیو نویو رغول شویو بندونو زرګونه زینتي او مېوه لرونکي نیالګي کېنول شوې
۱۹ کب ۱۴۰۲ه.ش
۲۸ شَعبان المُعَظّم ۱۴۴۵ه.ق
په دې وروستیو کې د عالیقدر امیرالمؤمنین حفظه الله د حکم پر اساس هلمند کې د اوبو ٣ ستر بندونه رغول شوي دي، چې په دغو بندونو کې د موسی کلا ولسوالی کې د لنډي ناوې، سلطان عزیز خان او په نوزاد ولسوالی کې د ارموز بندونه شامل دي.
د یادو بندونو دزرغونتیا او ښکلا په موخه د هلمند ولایت د کرنې، اوبولګولو او مالدارۍ ریاست له خوا نږدې ٣٠٠٠ مېوه لرونکي او زینتي نیالګي انتقال او په سیمه کې د دې ادارې کارکوونکو او اړوندو چارواکو په همکارۍ په مشخصو ځایونو کې کښېنول شوې.
په دغو اېښودل شویو نیالګیو کې ٢٥٥٠ اصله شنګ، ٢٠٠ اصله ګل بید، ٢٠٠ اصله مېوه لرونکي نیالګي او ٢٠٠ اصله زینتي ګل ګلاب شامل دي، چې د هلمند دکرنې ریاست د مسلکي کارکوونکو لخوا روزل شوي دي، چې راتلونکي کې به د یادو بندونو په سمسورتیا او ښکلا کې د پام وړ نوښت رامنځته کړي.
