د زابل والي ددې ولایت د ځمکې غصب مخنیوی او غصب شویو ځمکو بېرته راګرځولو کمېټې سره وکتل
۱۷ کب ۱۴۰۲ه.ش
۲۵ شَعبان المُعَظّم ۱۴۴۵ه.ق
د زابل و والي الحاج مولوي حزب الله افغان د خپل کار په دفتر کې ددې ولایت د ځمکې غصب مخنیوی او غصب شویو ځمکو بېرته راګرځولو کمېتې غړو سره په کتنه کې د غصب مخنیوی او غصب شویو ځمکو بېرته راګرځولو په پار خبرې اترې وکړي.
د غونډې په پیل کې د زابل ولایت د ځمکې غصب مخنیوی او غصب شویو ځمکو بېرته راګرځولو کمېټې رییس مولوي عطاءالله راشد د یادې کمېټې د کړنو په اړه د زابل ولاتي ته معلومات وړاندې کړل. او ددې کمېټې پر وړاندې ستونزې او ننګونې هم د زابل والي سره شریکې کړې.
په همدې حال کې د زابل والي الحاج مولوی حزب الله افغان د یادې کمېټې د فعالیتونو او کړنو ستاینه وکړه او ویې ویل:«موږ او تاسو ټول مسوولیت لرو، چې د مشرتابه د حکم اطاعت وکړو او د ځمکې غصب مخنیوی او استرداد په برخه کې باید هلې ځلې وکړو. دټولو فرامینو، احکامو او هدایاتو په عملي کولو کي ولایتي رهبري تاسو سره پوره همکاره او په عملي ډګر کي درسره ملګري دي.»
