زابل کې پر سلګونو مالدارانو د څارویو د خوراکي توکو وېش لړۍ پیل شو
۱۰ کب ۱۴۰۲ه.ش
۱۸ شَعبان المُعَظّم ۱۴۴۵ه.ق
د زابل دکرنې، اوبولګولو او مالدارۍ ریاست د اکرو مؤسسې په همکارۍ ددې ولایت په مرکز کلات کې پر زرو مالدارانو د څارویو د خوراکي توکو وېش لړۍ پیل کړی دی.
د زابل دکرنې، اوبولګولو او مالدارۍ رییس مولوی عطاءالله راشد وویل، چې ددې پروسې په لړ کې پر هر مالدار ۲۰۰ کیلوګرامه د څارویو خوراکي توکي او درې کیلو ګرامه د شوتلو تخمونه وېشل کېږي.
ددې مرستې موخه د مالدارانو ملاتړ او په ټوله کې ددې ولایت د مالدارۍ سکټور ودې او پراختیا ته زمینه برابرول دي.
