کندز کې د نیالګیو کښېنولو کمپاین پیل شو
کندوز کې د بریا او ښېرازۍ تر شعار لاندې د ۱۴۰۳ کال د نیالګیو کښېنولو کمپاین پیل شو.
دغه کمپاين دکندز مرستیال والي مولوي حبیبالرحمن صهیب، الحاج مولوي امانالله حسن د کرنې او مالدارۍ رییس، قاري ګلنبي انس، اطلاعاتو او کلتور، چاپېریال ساتنې، عامې روغتيا، سپینزر دولتي شرکت استازو او خبریالانو په شتون کې رسماً پرانیستل شو.
ددغه کمپاین د پرانيستلو په مراسمو کې د کندز مرستیال والي مولوي حبیبالرحمن صهېب خبرې وکړې او سیمه ییزو چارواکو ته یې سپارښتنه وکړه، چې ددې کمپاین ملاتړ وکړي. ښاغلی صهیب ټولو ولسونو په ځانګړي ډول، حج اوقافو او رسنیو څخه غوښتنه وکړه، چې په دې برخه کې دې له ښاروالۍ، کرنې او مالدارۍ او چاپېریال ساتنې ریاستونو سره په هراړخيزه توګه همکاري وکړي.
دغهراز د کندوز ولايت د کرنې او مالدارۍ رییس الحاج مولوي امانالله حسن وويل: د" کرنې او مالدارۍ ریاست هم په پام کې لري، چې د ۱۴۰۳ کال لپاره له ٣٠٠ زره څخه ډېر مېوه لرونکي او بې مېوې نيالګي کښېنوي"
د کرنې او مالدارۍ رییس دغهراز زیاتوي چې سږکال د کرنې او مالدارۍ ریاست له خوا نه یواځې د هېواد ټولو ولایتونو ته د نیالګیو صادرول په پام کې نیول شوي، بلکې ګاونډيو هېوادنو ته هم نیالګي صادرېږي.
ښاغلی امان زیاتوي چې د کرنې او مالدارۍ او ښاروالۍ ریاستونه به په ګډه ددغو کېنول شویو نيالګيو په ساتنه کې له هېڅ راز هڅو ډډه ونکړي.
په همدې حال کېد کندز ښاريان هم د سيمه ییزو چارواکو لخوا په ځانګړي ډول د کندز کرنې او مالدارۍ، ښاروالۍ او چاپېریال ساتنې ریاستونو څخه د ۱۴۰۳ کال د نیالګیو کمپاین له پیلیدو څخه د مننې ترڅنګ ډاډ ورکوي چې د نیالګیو په ساتلو کې به اړوندو ادارو څخه د زړه له تله همکاري کوي.
پای کې د مسولینو لخوا د رسنیو په حضور کې د ۱۴۰۳ کال د نیالګیو کمپاین د آبدان دښته کې په رسمي ډول پیل شو.
