مالي او اداري مرستیال د ځمکو چارو رییس سره وکتل
دکرنې، اوبولګولو او مالدارۍ وزارت مالي او اداري مرستیال ملااغاجان اخند«حاجي سالم» د کرنې وزارت له رییسانو او چارواکو سره د لیدنې په لړ کې د کرنې وزارت د ځمکو چارو رییس مولوي محمود مظلوم سره په کتنه کې پر بېلابېلو موضوعاتو خبرې اترې وکړې.
ددې کتنې په ترڅ کې دکرنې وزارت د ځمکو چارو رییس مولوی محمود مظلوم د دغه ریاست په مختلفو څانګو لکه د «ان،ټي،اې» په برخه کې د کارکوونکو د زیاتوالي، د کارکوونکو د سفريې، اضافه کارۍ، امتیازي معاشونو او داسې نورو موضوعاتو باندې خبرې وکړې.
په همدې حال کې د کرنې وزارت مالي او اداري مرستيال د اراضۍ رییس د خبرو اورېدو وروسته دوی سره د هر ډول همکاریو ژمنه وکړه.
