د هلمند بولان څېړنیز فارم کې د غنمو هستوي تخمونو له کروندو څخه څارنه وشوه
۲۵ سلواغه ۱۴۰۲ه.ش
۳ شَعبان المُعَظّم ۱۴۴۵ه.ق
هلمند کې د اصلاح شویو تخمونو د کروندو د څارنې په لړ کې دکرنې، اوبولګولو اومالدارۍ ریاست لخوا، سوېل لویدیځ زون د اصلاح شویو تخمونو تصدیق ورکولو امریت د مسؤلینو له لوري دبولان څېړنیز فارم کې د ١١ ډوله تجربوي تخمونو له کروندو څخه لیدنه وشوه.
دبولان څېړنیز فارم کې دامهال د غنمو پر ١١ ډوله تخمونو تحقیق او څېړنې د مسلکي کارکوونکو لخوا روانه ده، چې دغه تخمونه په ١٧ جریبه ځمکه کې کرل شوي دي.
دهلمند ولایت د کرنې ریاست اړوند د اصلاح شویو تخمونو تصدیق ورکولو آمریت مسؤلینو له لوري اړوند کارمندانو ته د څارنې پر مهال په بېلابېلو برخو کې د ښو تخمونو لاسته راوړلو په موخه لازمې لار ښوونې وشوې.
