خوست کې پر سلګونو بزګرانو د څارویو خوراکي توکي وېشل کېږي
۱۸ سلواغه ۱۴۰۲ه.ش
۲۶ رَجَب المُرَجَّب ۱۴۴۵ ه.ق
د خوست دکرنې، اوبولګولو او مالدارۍ ریاست د افغانستان لپاره د ناروې کمېټې په همکارۍ ددې ولایت د نادر شاه کوټ ولسوالی پر سلګونو مالدارانو د څارویو خوراکي توکو وېش لړۍ پیلوي.
د خوست دکرنې، اوبولګولو او مالدارۍ ریاست د چارواکو په خبره د څارویو د یادو خوراکي توکو د وېش په موخه د نادر شاه کوټ ولسوالی د مستحقو بزګرانو سروې ترسره او په نږدې راتلونکې کې به پر یادو بزګرانو د څارویو خوراکي توکي ووېشل شي.
ددې مرستې موخه د مالدارانو ملاتړ او په ټوله کې ددې ولایت د مالدارۍ سکټور ودې او پراختیا ته زمینه برابرول دي.
