هلمند کې د نیالګیو اېښودلو لړۍ پیل شوه

۱۵ سلواغه ۱۴۰۲ه‍.ش
۲۳ رَجَب المُرَجَّب ۱۴۴۵ ه‍.ق
د هلمند ولایت د کرنې، اوبولګولو او مالدارۍ ریاست له خوا په دې ولایت کې د نیالګیو اېښودو کمپاین په داسې حال کې پیل شو چې د هلمند د کرنې، اوبولګولو او مالدارۍ رییس الحاج مولوي نیازمحمد وهاج، د چاپېریال ساتنې رییس الحاج محمدعیسی اغا، د طبیعي سرچینو آمر قاري دین محمد مغفور، یوشمېر کروندګرو او بڼوالو هم شتون درلود.
د یادې پروسې د پیل په مراسمو کې د هلمند ولایت دکرنې رییس ددې ولایت له اوسیدونکو غوښتنه وکړه، چې د نیالګیو د کرلو او روزلو پروسه کې برخه واخلي ترڅو هېواد مو زرغون، دسولې، ورورۍ او اخوت پېلامه شي.
د هلمند دکرنې رییس وویل، چې سږکال ددې ادارې له خوا نږدې ١٣٨٩٥٧ اصله مېوه لرونکي او ٦٠٤٠٠ اصله بې مېوې نیالګي چمتو شوي دي، چې  د ۲۵ سلنې بیې په ورکولو سره به د عامو ځمکوالو په واک کې ورکړل شي.
دکرنې رییس همدارنګه له عامو ولسونو غوښتنه وکړه، چې د نیالګیو له اېښودو وروسته يې پالنې ته پاملرنه وکړي، ترڅو د نویو نیالګیو له اېښودو وروسته يې په ښه ډول روزنه وشي او د ضایع کېدو مخه يې ونیول شي.
په پای کې د هلمند د کرنې رییس او ورسره نورو چارواکو د څو نیالګیو په اېښودلو سره د نیالګیو د وېش لړۍ رسمآ پیل کړه.