کندهار کې د تخمونو زېرمتون ګتې اخیستنې ته وسپارل شو
د کندهار دکرنې، اوبولګولو او مالدارۍ ریاست د افغانستان لپاره د هالنډ کمېټې په همکارۍ ددې ولایت بزګرانو ته د اسانتیاوو برابرولو په پار د اصلاح شویو تخمونو زېرمتون (سیډ بانک) جوړ او ګټې اخیستنې ته سپارلی دی.
د کندهار دکرنې ریاست چارواکي وایي، چې دغه زېرمتون د اصلاح شویو تخمونو د پروسس په برخه کې ددې ولایت بزګرانو ته اسانتیاوې رامنځته کوي.
ددې زېرمتون د جوړولو موخه د اصلاح شویو تخمونو پروسس، زېرمه کول او له ناروغیو او آفتونو څخه د تخمونو خوندي کول دي.
