د ننګرهار دکانال شرکت رییس دکرنې او مالدارۍ خونې له رییس سره وکتل
۷ سلواغه ۱۴۰۲ه.ش
۱۵ رَجَب المُرَجَّب ۱۴۴۵ ه.ق
د ننګرهار کانال شرکت رییس مولوي غلام الرحمن کظيم د کرنې او مالدارۍ خونې له رییس اجمل رحماني او ددغې خونې د مديره پلاوی غړو سره په کتنه کې پر بېلابېلو موضوعاتو خبرې اترې وکړې.
په دې کتنه کې د کرنې او مالدارۍ خونې رییس اجمل رحماني هډی فارم کې د نرسري ګانو، د کبانو د روزنې لپاره د مناسبو ځمکو او د کانال د ځمکو د پخوانیو او نویو قراردادونو اړونده موضوعات شريک او د همکارۍ غوښتنه يې وکړه.
په همدې حال کې د ننګرهار کانال شرکت رییس مولوي غلام الرحمن کظيم د يادې خونې رییس او مديره پلاوی غړو ته وويل، کومې نرسري ګانې چې د هډې فارم کې فعاليتونه کوي ، ورسره يوازې د بوټو د پلور خبره شوی نه پدغو نرسري ګانو کې د بوټو د روزنې او کرنې.
ښاغلی کظیم همداراز وویل، چې د ننګرهار کانال شرکت پخپلو ځمکو اوس د کبانو ډنډونه لري او ددغو ډنډونو کبان يې اوس د پلور لپاره بازار ته وړاندې کړي دي.
مولوی غلام الرحمن کظیم وویل، چې د هېواد د کرنې او مالدارۍ سکټور حیاتي ارزښت لرونکی سکټور دی او موږ به ددغه سکتور پانګه والو سره لازمه همکاري وکړو او پدې برخه کې به ننګرهار کانال شرکت د هر راز اسانتیاوو په برابرولو کې خپله همکاری ونسپموي.
