نورستان کې د کانګو تبې د مخنیوی په موخه کمپاین پیل شو
۳ سلواغه ۱۴۰۲ه.ش
۱۱ رَجَب المُرَجَّب ۱۴۴۵ ه.ق
دنورستان ولایت دکرنې، اوبولګولو او مالدارۍ ریاست له خوا ددې ولایت په مرکز او شپږو ولسوالیو کې د کانګو تبې مخنیوی په موخه کمپاین پیل شوی دی.
د نورستان دکرنې، اوبولګولو او مالدارۍ ریاست چارواکي وايي، چې په یادو ولسوالیو کې د کوچیانو څاروي او د څارویو د اوسیدلو ځایونه (غوجلې) دواپاشي کېږي او ترڅنګ یې مالدارانو ته د حفظ الصحې په هکله معلومات هم ورکول کېږي ترڅو دیادې ناروغۍ دمخنیوي په موخه ورڅخه ګټه پورته کړي.
د کانګو تبه یو وېروسي ناروغي ده، چې د حشرو، کنو او خځندو او یا هم د څارویو لخوا انسانانو ته لېږدي. د غه تبه په څارویو او انسانانو کې یوه ګډه ناروغي ده، چې ډېری وخت له څارویو څخه انسانانو ته لېږدول کېږي او کله نا کله د انسانانو د مړینې لامل هم کېږي.
