د ننګرهارکانال شرکت د درېيم فارم د سړک د جغل اچونې چارې پېل شوې

۲۶ مرغومې ۱۴۰۲ه‍.ش
۴ رَجَب المُرَجَّب ۱۴۴۵ ه‍.ق
د ننګرهار دکانال شرکت چارواکي وایي، چې ددې شرکت اړوند ددرېیم فارم د درې نیم کیلومترو په اوږدوالی د سړک د جغل اچونې چارې پیل شوي دي.
دغه سړک د درېيم فارم ۴ بلاک (۶۶،۶۵،۶۴) نمره ځمکې ترمنځ غځېدلي دی.
د چارواکو په خبره دغه سړک د دوو کرنیزو شرکتونو له لورې په کابو دوه میلیونه افغانیو لګښت جوړېږي، چې د یاد فارم ټول بلاکونه د عمومي سړک سره نښلوي او په جوړېدو سره به ترانسپورتي ستونزې هواري شي او په اسانۍ سره به پرې تګ راتګ ترسره شي.
د ننګرهارکانال شرکت رییس مولوي غلام الرحمن کظیم وویل، چې یاد سړک د تېرو کلونو انقلابي او ناسازه شرایطو، نه پاملرنې او ورښتونو له امله ویجاړ شوی و او د کانال کارګرو او کرنيزو شرکتونو ته یې د تګ او راتګ پرمهال ستونزې جوړې کړې وې ، چې اوس يې د بيارغونې، جغل اچونې او هموارکارۍ چارې پيل شوې .
 د کار په بشپړیدو سره به پر یاد سړک دخلکو دتګ راتګ ستونزه حل شي او ترڅنګ یې د کانال شرکت شته ځمکې به ورسره خپل ارزښت لا لوړ کړي.