پکتیا کې د ځنګلونو او وحشي ژویو ساتنې په پار هڅې
۲۵ مرغومې ۱۴۰۲ه.ش
۳ رَجَب المُرَجَّب ۱۴۴۵ ه.ق
د کرنې، اوبولګولو او مالدارۍ وزارت پلاوی چې د پکتیا ولایت دکرنې، اوبولګولو او مالدارۍ ریاست د طبیعې سرچینو آمر عبدالباقي مهاجر او د جیودیزي انجینري او ملي علامه ګزاري عمومي مدیر انجینر شریف الله ځلاند يې ملتیا کوله ددې ولایت له یوشمېر اوسیدونکو سره د ځنګلونو او وحشي ژویو د ساتنې په پار د کتنې ترڅنک د پکتیا ولایت اړونده ځینو پروژو څخه هم لیدنه ترسر کړه.
یاد پلاوي په میرزکې ولسوالي کې په شاه او خوا سل جریبه ځمکه د جلعوزیو له کرنې او بیا نهال څخه لیدنه وکړه او اړونده اوسېدونکو ته یې د یادې ولسوالی د ولسوال په شتون کې د ترسره شوې پروژې د ښې ساتنې په پار یو شمېر لازمې سپارښتنې وکړې.
او همدارنګه نوموړي پلاوي د ځاځي اریوب ولسوالی انګړ کې د یادې ولسوالی د ولسوال او اړونده رسمي کارکوونکو په شتون کې د بېلابېلو کلیو له اوسیدونکو سره ولیدل چې په دې لیدنه کې د سیمې خلکو ته د ځنګل، او وحشي ژویو د ساتنې اړونده ځنې لارښوونې او سپارښتنې وشوې او د دې ترڅنګ په یاده ولسوالی مڼدهېر پارک کې د ودانیزو پروژو د بشپړشویو او نا بشپړشویو برخو د روانو ودانیزو چارو څخه لیدنه او نظارت ترسره کړل چې اړونده قراردادي ته د پاتې کارونو د ښه ترسره کېدنې په پار ځینې لازمې وشوې.
