دهلمند ولایت څېړنیز فارم کې لس بابه شنې خونې فعاله او کرنې ته چمتو شوې
۲۳ مرغومې ۱۴۰۲ه.ش
۱ رَجَب المُرَجَّب ۱۴۴۵ ه.ق
دهلمند ولایت د کرنې، اوبولګولو او مالدارۍ ریاست وایي، چې د بولان په څېړنیز فارم کې لس بابه شنې خونې فعاله او کرنې ته چمتوشوي دي.
په نوموړیو شنو خونو کې به د څېړنې په موخه بېلابېل موسمي سابه لکه بادرنګ، رومیان، رومي بانجان، بینډۍ او همدارنګه د یو شمېر زینتي بوټو قلمې وکرل شي.
د یادو شنو خونو له لارې به ګڼو عامو بزګرو او ځمکوالو ته عامه پوهاوی او زده کړې هم ورکړل شي، ترڅو دوی وهڅېږي، چې په خپلو ځمکو کې شنې خونې ورغوي او په لږو مصارفو زیات عواید لاسته راوړي.
