اروزګان کې د لبنیاتو له پلورنځیو څارنه وشوه 

۱۶ مرغومې ۱۴۰۲ه‍.ش
۲۴ جُمَادَى الثاني ۱۴۴۵ ه‍.ق
د اروزګان د کرنې، اوبولګولو او مالدارۍ ریاست اړوند د مالدارۍ او حیواني روغتیا آمریت کارکوونکو له خوا، په دې ولایت کې د لبنیاتو له ګڼو پلورنځیو څارنه او ارزونه ترسره شوه. 
دیادې څارنې په ترڅ کې د لبني توکو د پېر- پلور د کار میکانیزم پلورونکو ته تشریح شو او دغه راز دوی ته سپارښتنې وشوې چې خپلې چارې د ځانګړې طرزالعمل له مخې مخته وړي تر څو د هلمندوالو د ښې روغتیا په برخه کې لازم خدمات وړاندې شي.
دغه راز یادو پلورونکو ته سپارښتنه وشوه، چې د خپلو هټیو پاکوالي، د حشراتو مخنیوی په موخه د ځانګړو جالیو کارولو، حفظ الصحې رعایتول او د لبني موادو کیفیت ساتلو په موخه د یخچال کارونې ته پاملرنه وکړي.
د یادولو وړ ده، چې د څارنې او ارزونې دغه لړۍ به په دوامداره توګه د ټاکلي پلاوي لخوا څخه ادامه ولري ترڅو هلمندوالو ته باکیفیته لبني توکي وړاندې شي.