دکرنې وزارت د ځمکو چارو ریاست: د ۱۴۰۳ مالي کال د عادي او پراختیايي بودیجې د وړاندوینې او تشکيل په اړه غونډه دائره شوه
٢۹ لیندۍ ۱۴۰۲ه.ش
۷ جُمَادَى الثاني ۱۴۴۵ ه.ق
د کرنې، اوبولګولو او مالدارۍ وزارت د ځمکو چارو لوی ریاست کې د ۱۴۰۳م کال د عادي او پراختیایي بودیجې او ددغه کال د تشکیل په پار غونډه دائره شوې وه.
په دغه غونډه کې چې د کرنې، اوبولګولو او مالدارۍ وزارت د ځمکو عمومي ریاست په مقام کې جوړه شوې وه د ځمکو چارو لوی
د غونډې په پیل کې دکرنې وزارت د ځمکو ریاست لوی رییس مولوي محمود مظلوم وويل: «په يوه اداره کې کار یوازې په يوه کس نه کېږي باید ټول د دې ادارې د ښه والي په خاطر سره لاسونه ورکړو تر څو وشو کولای هغه ستونزې چې اوس هم په دې اداره کې شتون لري هغه ته د پای ټکی کېږدو.»
ښاغلي مظلوم زیاته کړه له ټولو مسوولينو څخه مې غوښتنه ده چې د ادارې د ښه والي لپاره د تل خپل نظرونه د ادارې له مقام سره شریکې کړي.
د کرنې وزارت د ځمکو چارو لوی رییس وویل: «د عالیقدر امیرالمومنین حفظه الله ټول حکمونه او فرمانونه چې دې ادارې پورې اړوند دي په جدي توګه تعقيب شي او په هغه باندې اجراآت زموږ ټولو مسووليت دی چې بايد ورته پاملرنه وشي.»
ورپسې د ځمکو چارو ریاستد ادارې د جیودیزي او کدستر لوی رییس مولوي سعيد الرحمن مظهري او د اراضۍ ریاست د مختلفو څانګو مسوولينو خبرې وکړې او د خپلو څانګو اړوند معلومات يې د اراضۍ ریاست عمومي رییس ته وړاندې کړل.
نوموړو د خپلو څانګو اړوند د ۱۴۰۳ مالي کال د عادي او پراختیایي بودیجې د وړاندوینې او د دغه کال د تشکيل په اړه هم خپل نظرونه د اراضۍ ادارې له مشرتابه سره شريک کړل.
په پای کې د کرنې وزارت د ځمکو چارو لوی رییس مولوي محمود مظلوم له ټولو مسوولينو څخه وغوښتل، چې د ۱۴۰۳ مالي کال د خپلو څانګو اړوند د بودیجې او تشکيل لست دې د اړتیا پر بنسټ په دلايلو سره د دغه ریاست مقام ته وړاندې کړي.
