کونړ کې سلګونو بزګرانو ته په کرنیزو پروژو کې د کار زمینه برابره شوې
٢۸ لیندۍ ۱۴۰۲ه.ش
۶ جُمَادَى الثاني ۱۴۴۵ ه.ق
دکونړ دکرنې، اوبولګولو او مالدارۍ ریاست وایي، چې ددې ولایت په کچه دکرنیزو پروژو په پلي کېدو سره سلګونو بزګرانو ته دکار زمینه برابره شوې ده.
د چارواکو په خبره ددې ولایت د نورګل په ولسوالی کې د افغانستان راتلونکي نسلونو مؤسسې په همکارۍ زرو بزګرانو ته په بېلابېلو پروژو کې د کار زمینه برابره شوې وه، چې د پروژو په بشپړېدو په یادو پروژو کې زرو اړمنو بوختو کسانو ته د کار په بدل کې نغدې پیسې وېشل شوي دي.
ددغو مرستو موخه په دې ولایت کې د کرنیزو حاصلاتو زیاتوالی او د بېوزله بزګرانو اقتصادي ودې ته زمینه برابرول دي.
