د پکتیکا ارګون کې د زامې کلي دولتي بڼ بیارغول کېږي
۲۳ لیندۍ ۱۴۰۲ه.ش
۱ جُمَادَى الثاني ۱۴۴۵ ه.ق
د پکتیکا دکرنې، اوبولګولو او مالدارۍ ریاست چارواکي وایي، چې ددې ولایت د ارګون ولسوالی اړوند د زامې کلي دولتي بڼ بیارغولو په پار یې هلې ځلې پیل کړي، چې په ترڅ کې یې ددې ریاست یو پلاوی دیاد بڼ د بیارغونې په پار له دې بڼ څخه لیدنه وکړه.
د ارګون ولسوالی د زامې دولتي بڼ د ظاهر شاه د واکمنۍ پرمهال د جرمنیانو له خوا په ۳۰ جریبه ځمکه کې جوړه شوې ده، چې یوه خونه او دوه حضونه یې درلودل، چې د زینتي بوټو او ونو په درلودلو سره د سیمې د اوسیدونکو د ځانګړې پاملرنې لامل شوې وه.
یاد بڼ چې په طبیعي ډول له غره څخه خړوبېده، خو اوس یې اوبه وچه او ورته برمه کېندل شوې او ترڅنګ یې د احاطې دېوال هم رغول شوي دي. ددې بڼ زینتي ونې پرې او پرځآی یې مېوه لرونکي ونې اېښودل شوي دي.
د یاد بڼ د ونو او بوټو د ساتنې خوندیتوب او خړوبولو په پار د پکتیکا دکرنې، اوبولګولو او مالدارۍ ریاست هوډ لري، چې یاد بڼ ته ځانګړې پاملرنه وکړي او ددې بڼ شته ستونزې هوارې کړي.
