د ننګرهار په لسو ولسوالیو کې د کشمېرې او وړیو۲۴مرکزونه جوړ شول
١۹ لیندۍ ۱۴۰۲ه.ش
۲۷جُمَادَى الأول ۱۴۴۵ ه.ق
د ننګرهار د کرنې، اوبولګولو او مالدارۍ ریاست په هڅو د افغانستان لپاره د هالینډ کمیټې له لورې د ننګرهار په لسو ولسوالیو خوږیانو، سرخ رود، بهسود، چپرهار، مومندره، لعلپوره، رودات، کوزکونړ، کامه او ګوشته کې د کشمېرې او وړیو مرکزونه جوړ شوي دي.
د ننګرهار د کرنې، اوبولګولو او مالدارۍ رییس مولوي عبدالستار محمد وویل د هالینډ کمیټې له لورې په لسو ولسوالیو او مرکز کې د کشمېرې او وړیو ۲۴ مرکزونه جوړ شوي.
د ننګرهار دکرنې رییس زیاته کړه یادې مؤسسي په یادو ولسوالیو کې ۱۱۴۰ تنه مالداران راجستر کړي او د ۴۰ ډالرو معادل یې ورته افغانۍ هم ورکړي.
دغه راز ۲ زره ۷۰۵ تنو مالدارانو ته د ساري ناروغیو، د شیدو پاکوالې، انترکس، کانګو، تبرکلوز او دکشمېرې او وړیو راټولولو ارزښت په برخه کې روزنه هم ورکړې ده.
د هالینډ کمیټه ننګرهار کې د مالدارانو سره د چینجیو ضد درملو، واکسینونو، وړو زېرمتونونو او ګڼو برخو کې همکارۍ کوي.
