د هلمند موسی کال کې پر ۳٠ کورنیو وزې ووېشل شوې
١۴ لیندۍ ۱۴۰۲ه.ش
۲۲جُمَادَى الأول ۱۴۴۵ ه.ق
د هلمند ولایت دکرنې، اوبولګولو او مالدارۍ ریاست، د خوړو نړیوالې ادارې په همکارۍ ددې ولایت په موسی کلا ولسوالی کې پر ۳٠ بېوزلو او یتیمانو کورنیو د شیدو وزې او اړونده توکي وېشلي دي.
ددې مرستې په لړ کې هرې کورنۍ ته وزې او ۵۰ کیلوګرامه د څارویو خوراکي توکي ورکړل شوي دي.
د یادونې وړ ده، چې د نوموړو کورنیو د تشخیص او انتخاب سروې په شفاف ډول ترسره شوې ده.
ددې مرستې موخه د بېوزلو کورنیو ملاتړ او په ټوله کې په دې ولایت کې د مالدارۍ سکټور ته وده او پراختیا ورکول دي.
