پکتیا ته دکرنې وزارت د پلاوی سفر
۸ لیندۍ ۱۴۰۲ه.ش
١۶جُمَادَى الأول ۱۴۴۵ ه.ق
دکرنې، اوبولګولو او مالدارۍ وزارت پلاوی پکتیا ولایت ته د خپل سفر په ترڅ کې ددې ولایت دکرنې رییس مولوی عبدالرؤف سعید سره وکتل.
په دې کتنه کې، دکرنې وزارت د حق مالکیت د تثبیت پلاوی د پکتیا د کرنې، اوبولګولو او مالدارۍ رییس مولوي عبدالرؤف سعید ته دخپل سفر موخې بیان کړل او زیاته یې کړه: «موږ راغلي یو ترڅو د ترانسپورت ریاست لپاره د لویو موټرونو د تم ځای ځمکه تثبیت او له تثبیت څخه وروسته ترانسپورت ریاست ته انتقال شي.»
په همدې حال کې د پکتیا دکرنې، اوبولګولو او مالدارۍ رییس مولوی عبدالرؤف سعید یاد پلاوي ته د هر ډول همکاریو ډاډ ورکړ او زیاته یی کړه، چې په دې سره به د پکتیا په مرکز کې د هغو لویو موټرونو ستونزې هوارې شي، چې ګڼه ګوڼه یې رامنځته کړي دي.
