اروزګان کې د انجې کرکیلې ترویج په پار هلې ځلې

۸ لیندۍ ۱۴۰۲ه‍.ش
١۶جُمَادَى الأول ۱۴۴۵ ه‍.ق
د اروزګان ولایت د کرنې، اوبولګولو اومالدارۍ رياست، د طبيعي سرچينو امریت اړوند قوريه کې د طبي بوټي هنګ (انجې) کرلو چارې پیل شوي دي.
د یادې پروسې په لړکې به په دې قوریه کې د انجې بوټي په فني او مسلکي ډول وروزل شي.
د چارواکو په خبره د انجې بوټي ډېرو کمو اوبو ته اړتیا لري نو ددې ولایت له خاورې، اوبو او هوا سره ښه مطابقت کوي.
انجه داسې بوټی دی، چې د طبي موخو لپاره کارول کېدای شي، د کورني بازار تر څنګ نړیوال مارکېټ لري او په لوړه بیه پلورل کېږي.
د اروزګان ولایت دکرنې، اوبولګولو او مالدارۍ ریاست په دې ولایت کې د بزګرانو د ملاتړ او د کوکنارو د کرکېلي د بدیل پیداکولو په پار تل هلې ځلې کوي تر څو بزګرو ته نوي ارزوښت لرونکي نباتات ترویج او تکثیر کړي.