هلمند ته د کرنې وزارت د پلاوي سفر
٤ لیندۍ ۱۴۰۲ه.ش
١٢جُمَادَى الأول ۱۴۴۵ ه.ق
د هلمند ولایت دکرنې، اوبولګولو او مالدارۍ رییس الحاج مولوي نظرمحمد صدیقي د کرنې، اوبولګولو او مالدارۍ وزارت پلاوي سره وکتل.
یاد پلاوی چې په ترکیب کې یې د کرنې وزارت د اوبولګولو او طبیعي سرچینو معینیت څخه د کرنیزو ځمکو د اصلاح رییس مولوي شیرمحمد حاتمي په مشرۍ، انجنیر برکت الله رسولي، انجنیر سیدایوب محبوبي، عبیدالله دانش عزیزي او سمیع الله امیري شامل دې هلمند ولایت ته د خپل سفر په اړه کرنې رییس سره معلومات شریک کړل.
نوموړي پلاوي وویل: "هلمند ته یې د سفر موخه په دې ولایت کې دکرنیزو ځمکو د اصلاح او په دې برخه کې د ستونزو اړتیاو او وړاندیزونو راټولول او بیا یې په اړه عالي مقاماتو ته راپور وړاندې کول دي."
د هلمند دکرنې رییس الحاج مولوي نظرمحمد صدیقي وویل،چې د هلمند د کرنې ریاست مقام او اړوند کارکوونکو به د راغلي پلاوي سره هر اړخیزه همکاري کوي، په دې برخه کې به ستونزې او وړاندیزونه ورسره شریک کړي تر څو د کرنیزو ځمکو د اصلاح په برخه کې بهبود رامنځته شي.
