د لغمان دکرنې رییس د نه انلوس مؤسسې مشرې سره وکتل
۱ لیندۍ ۱۴۰۲ه.ش
۹جُمَادَى الأول ۱۴۴۵ ه.ق
د لغمان دکرنې، اوبولګولو او مالدارۍ رییس د خپل کار په دفتر کې د نه انلوس مؤسسې مشرې سوسانا فيورټي او همکارانو سره يې د لیدنې په ترڅ کې پر بېلابېلوموضوعاتو خبرې اترې وکړې.
ددې لیدنې په ترڅې کې د لغمان دکرنې رییس الحاج مولوی محمد ولي محسن وویل،چې افغانان اوږدو جنګونو په هر اړخیز ډول سخت ځپلی دي هغه زیاته کړه:«لغمان هغه ولایت دی، چې نظر نورو ولایتونو ته یې خلک زیات په کرنه او مالدارۍ بوخت دي، خلک یې بې وزله او په تېر کې هم ورته کومه خاصه پاملرنه نده شوی.»
ښاغلی محسن وویل، چې د ولسونو د ستونزو حل او خلکو ته د کار زمینې برابرولو په پار باید د کبانو او چرګانو فارمونه او شنې خونې جوړې شي، دغه راز مېرمنو ته د کارموندنې په پار د رُب، مربا او اچارو جوړولو په برخه کې دوی ته روزنیزې برنامې او اسانتیاوې رامنځته کول اړین وبلل.
د لغمان دکرنې رییس وویل، چې د لغمان دکرنې ریاست له مرستندویو مؤسسو سره همر اړخیزې همکارۍ ته چمتو دی.
په همدې حال کې د نه انلوس مؤسسې مشرې سوسانا فيورټي په خپلو خبرو کې په افغانستان کې د بشپړ او سرتاسري امنیت څخه خوښې څرګنده د یادې مؤسسې د فعالیتونو او پلانونو په هکله د لغمان دکرنې رییس ته معلومات وړاندې کړل.
آغلې سوسانا فيورټي وویل، چې د لغمان ولایت ته ځانګړې پاملرنه کوي، ترڅو بېوزله بزګرانو ستونزو ته رسېدنه ووشي.
دغه راز د نه انلوس مؤسسې عمومي مشرې سوسانا فيورټي ډاډ وښوده، چې په غوښتنو به يې غور وکړي او د امکاناتو له مخې به بېرته راستنېدونکو کورنيو او بزګرانو سره لازمې مرستې تر سره کړي.
