د کانال رياست د مالدارۍ فارم د شيدې تولیدات ډېر شوي
۲۷ لړم ۱۴۰۲ه.ش
۵ جُمَادَى الأول ۱۴۴۵ ه.ق
د ننګرهار دکانال رياست چارواکي وايي، چې ددې رياست اړوند د مالدارۍ فارم، د شیدې تولیدات زیات شوي. د دوی په خبره د یاد فارم د شدې تولیدات په ورځ کې تر ١٥٠ ليټره ډېر شوي دي. دغه فارم د ورځې لسګونه ليټره تازه شيدې توليدو او بازار ته وړاندې کوي.
د چارواکو په خبره، یاد فارم چې د هډې فارم په ۱۷ جریبه ځمه کې جوړ شوی دی، په دغه فارم کې ٢٧٤ سره څاروي موجود دي، چې په کې غواګانې، خوسکیان او غوایان ... شتون لري، چې له ډلې غواګانو څخه هره ورځ ۳۰۰ لیټره تازه شېدې ترلاسه او د درنو هېوادوالو خدمت ته وړاندې کېږي.
اوسمهال په دغه فارم کې بېلابېل فعالیتونه روان دي، چې په کې څلورګونو فارمونو کې شته بڼونو ته حېوانې سرې لېږل، د غوجلو پاکول، منظمه خوراک تهیه او نورې اړينې چارې شامل دي، چې ورسره په دې فارم کې لسګونو کسانو ته دکار زمینه برابره شوې ده.
