د ننګرهار کانال شرکت؛ په اووه زره او۵۰۰ جریبه ځمکه کې د غنمو اصلاح شوي تخمونه کرل کېږي
د ننګرهار کانال شرکت چارواکي وایي، چې ددې شرکت اړوند په څلورګونو فارمونو کې په اووه زره او۵۰۰ جریبه ځمکه کې د غنمو اصلاح شوي تخمونو تولید په پار د غنمو کرکېله کېږي.
د ننګرهار کانال شرکت رییس مولوی غلام الرحمن کظیم وویل، چې ددې شرکت په اووه زره او۵۰۰ جریبه ځمکه کې د غنمو څلور ورایټۍ لکه چونټ، میرداد، شمال کرل کېږي، چې د کرکیلې چارې یې پیل شوي دي.
ښاغلی کظیم وویل، چې له دغو ۷ زره جریبه ځمکو څخه به اووه زره ټنه د غنمو اصلاح شوي تخمونه ترلاسه او پر کروندګرو به ووېشل شي، چې ورسره به د هېواد په کچه د غنمو حاصلات زیات او د بزګرانو اقتصادې ودې ته به زمینه برابره کړي.
ښاغلی کظیم دغه راز وویل، چې د غنمو اصلاح شوي تخمونو تولید د کانال شرکت د حاصلاتو لوړولو او عوایدو کې رغنده رول لري او هېواد د غنمو د تولید په برخه کې ځان بسیاینې ته نږدې کوي.
