دکرنې وزارت له خوا د کابل په ۲۱ مه ناحیه کې د کورونو سروې پیل شو
٢۴ لړم ۱۴۰۲ه.ش
۱ جُمَادَى الأول ۱۴۴۵ ه.ق
د کرنې، اوبو لګولو او مالدارۍ وزارت د ځمکو چارو ریاست د غیر رسمي ښاري سیمو د ثبت ریاست لخوا د عالیقدر امیر المومنین حفظه الله د ۴۷ گنې فرمان د پلي کولو په موخه د کابل ولایت په ۲۱ مه ناحیه کې د کورونو سروې پیل شوی دی.
یاده سروې د کرنې، اوبو لګولو او مالدارۍ وزارت د ځمکو چارو عمومي ریاست، د اجارې اوپانګونې، د غیر رسمي ښاري سیمو د ثبت، د ارزونې او استملاک ریاستونو، کابل ولایت، د ۲۱ مې ناحیې د سیمي مشران او دیني عالمانو په همغږۍ چارې یې پر مخ وړل کېږي.
د یادونې وړ ده هغه ځمکې او کورونه چې د افغانستان اسلامی امارت لخوا له غصب نه خلاصې او بېرته استرداد شوي د عالیقدر امیر المومنین حفظه الله د فرمان په اساس هغو کسانو ته چې په ملکیت تصرف لري په اجاره ورکول کېږي.
