د کابل دکرنې رییس د روپاني بنسټ پروژو څخه لیدنه وکړه

د کابل دکرنې، اوبولګولو او مالدارۍ رییس شیخ عبیدالله حقاني په داسې حال کې، چې د اقتصاد رییس، د یاد ریاست د کرنې چارو آمر انجنیر محب الله احمد زی، د طبیعي سرچینو آمر ارین اریوبي، د پلان آمر نصیر احمد مجیدي او د یاد ریاست مسلکي همکارانو او د سروبي د کرنې مدیریت مدیر عبدالبصیر سیار یې ملتیا کوله د روپاني بنسټ  پروژو  څخه لیدنه وکړه.
د کابل دکرنې رییس الحاج حافظ شیخ عبیدالله حقاني  او ورسره مل پلاوی ددې لیدنې په ترڅ کې د یاد بنسټ له خوا پلي شوي پروژې وکتل او د چارو د لا ښه ولای په هکله یې لازمې لارښوونې وکړې.
بلخوا د کابل دکرنې رییس الحاج حافظ شیخ عبیدالله حقاني د سروبي ولسوالی مرستیال سره هم په کتنه کې پر بېلابېلو مضوعاتو خبرې اترې وکړې او ترڅنګ یې د روپاني بنسټ لپاره نوي مسوول د یاد بنسټ په تېرو پروژو او راتلونکي پلانونه خبرې وکړې.
د کابل دکرنې رییس او ورسره مل پلاوي د نغلو د مهمندي اړوند بڼ څخه، چې د سروبي د کرنې مدیریت اړوند دی او د روپاني بنسټ په مالي ملاتړ جوړ شوی لیدنه وکړه هلته یې د نوموړی بڼ چې 800 د انارو نیالګي او 300 د بېري او 500 نور مختلف النوع نیالګي لري هر اړخیزه ارزونه وکړه. دغه بڼ د څاڅکي اوبوخور په سیسټم سمبال دی.
په همدې حال کې د روپاني بنسټ چارواکو وویل، چې دوی په پام کې لري، چې په دې بڼ کې سړې خونې هم جوړې کړي.
ددې لیدنې په ترڅ کې د کابل دکرنې رییس الحاج حافظ شیخ عبیدالله حقاني اړوندو چارواکو ته لازمې سپارښتنې او لارښوونې وکړې.