میدان وردګو کې د ونو افتونو او ناروغیو مخنیوي په پار کمپاین پیل شو
د میدان وردګو ولایت دکرنې، اوبولګولو او مالدارۍ ریاست وایي، چې ددې ریاست د بوټوساتنې لوی مدیریت له خوا په دوو ولسوالیو کې د ونو د یوریا سپرې کمپاین پیل شوی دی.
دغه کمپاین د دې ولایت د چک او سید آباد ولسوالیو کې د اتو ورځو په لړ کې پلي شوی دی، چې په ترڅ کې یې د یادو ولسوالیو د بڼوالو بڼونه له مضره حشراتو خوندي او ترڅنګ یې بڼوالو ته د یوریا سپرې د کارولو په برخه کې روزنه هم ورکړل شوي دي.
ددې پروګرام موخه له افتونو او ناروغیو د بڼونو خوندیکول، د بزګرانو روزل او په ټوله کې دکرنې او بڼوالۍ ودې او پراختیا ته زمینه برابرول دي.
