ننګرهار کې پر ۱۴۰۰ بزګرانو کيمياوي سرې او د غنمو اصلاح شوی تخمونه ووېشل شول
٢۳ لړم ۱۴۰۲ه.ش
۳۰ ربیعالثاني ۱۴۴۵ ه.ق
د ننګرهار ولایت په خوږیانو او شېرزادو ولسوالیو کې د اسلاميک ريليف مؤسسې له لوري پر بزګرانو کيمياوي سرئ او د غنمو اصلاح شوی تخم ووېشل شو.
د ننګرهار د کرنې، اوبولګولو او مالدارۍ رییس مولوي عبدالستار محمد وویل په شېرزادو او خوږیاڼو ولسوالیو کې پر ۱۴۰۰ بزګرانو د غنمو اصلاح شوي تخمونه او کیمیاوي سرې وېشل شوي دي.
د ننګرهار دکرنې رییس وویل، چې هر بزګر ته ۲۵ کيلو توره او ۵۰ کيلو سپينه سره او ۲۵ کيلو د غنمو اصلاح شوی تخم ورکړل شو.
د چارواکو په خبره اسلامیک ریلیف موسیسي په خوږیاڼو او شېرزادو کې د بزګرانو ۱۳ ټولنې جوړې کړي، چې په هره ټولنه کې سلګونه بزګزان غړیتوب لري.
د ننګرهار دکرنې رییس وویل، چې یادو ټولنو له بزګرانو سره تر راتلونکي دري کلونو پوري سبو او غله جاتو د اصلاح شوي تخمونو، کیمیاوي سرو او کرنیزو وسایلو په برخه کې مرسته کوي.
دغه راز د بزګرانو د محصولاتو ته د بازارموندنې په برخه کې هم کار کوي، چې یاد بزګران د مارکیټ سره ونښلوي، ترڅو خپل تولید کړي محصولات په مناسبه بیه وپلوري.
نوموړي پر بزګرانو غږ وکړ چې په خپلو ځمکو کې حلال کښتونه وکري او د هر ډول نشه يي توکو له کر څخه ډډه وکړي.
