د کندز علي آباد کې یوشمېر مالدارانو مېرمنو سره مرسته وشوه
۱۸ لړم ۱۴۰۲ه.ش
۲۵ ربیع‌الثاني ۱۴۴۵ ه.ق
د کندز دکرنې، اوبولګولو او مالدارۍ ریاست وایي، چې ددې ولایت علي آباد ولسوالی کې له یوشمېر مالدارانو مېرمنو سره د مالدارۍ اړونده توکو مرسته وشوه.
د چارواکو په خبره دغه مرستې، چې د آغاخان پرمختیایي بنسټ په همکارۍ پر ۲۹ مستحقو مېرمنو وېشل شوي دي په کې هرې برخمنې ته د لبنیاتو د پروسس اته ډوله توکي ورکړل شوي دي.
ددې مرستې موخه د بېوزله مالدارانوملاتړ او په ټوله کې د مالدارۍ سکټور ودې او پراختیا ته زمینه برابرول دي.
