د لغمان باباصاحب په شنوخونو کې د بادرنګو حاصلات زیات شوي دي
۱۰ لړم ۱۴۰۲ه.ش
۱۷ ربیعالثاني ۱۴۴۵ ه.ق
دلغمان د کرنې، اوبولګولواومالدارۍ رییس د مرکز اړوند باباصاحب په سیمه کې دبادرنګو له شنوخونو څخه لیدنه وکړه. په دې څارنه کې د لغمان د کرنې، اوبولګولواومالدارۍ رییس الحاج مولوي محمدولي محسن سره د کرنیزوچارو امر انجینربریالی همدرد ملتیا کوله د لغمان د مرکز اړوند د باباصاحب په سیمه کې د بادرنګو دتولید شنوخونو څخه لیدنه وکړه.
ددې لیدنې په ترڅ کې د لغمان دکرنې رییس دشنوخونو مالکانو څخه د بادرنګو دحاصلاتو دکمیت او کیفیت ارزونه ترسره او د دوی ستونزې او غوښتنې یې هم واوریدې او دحل ډاډ ورکړ.
په ورته مهال دکرنې رییس مولوي محمد ولي محسن وویل چې په دغه سیمه کې ۳۰۰ جریبه دولتي ځمکه د کرنې ریاست له خوا بادرنګو د شنوخونو لپاره په اجاره ورکړل شوې، نوموړي زیاته کړه چې شاوخوا ۱۵۰۰ کاریګر په دې شنو خونو کې په کار بوخت دي.
همداراز هغه وویل، چې د شنوخونو دمالکانو د معلوماتو او دکرنې ریاست د ارزونې په اساس د تېر کال په پرتله سږ کال د دشنوخونو کې د روزل شوو بادرنګو حاصلات شپیته سلنه زیات شوي دي.
بلخوا د شنوخونو مالکان د بادرنګو سږني حاصلاتو څخه راضي وو دوی له کرنې وزارت څخه وغوښتل چې بهرنیو هېوادونو مارکیټونو ته دبادرنګو دصادرولو لپاره زمینه برابره کړي.
