روزګان کې د چرګانو پلورڼځیو څخه څارنه وشوه
۱ لړم ۱۴۰۲ه.ش
۸ ربیعالثاني ۱۴۴۵ ه.ق
د اروزګان دکرنې، اوبولګولو او مالدارۍ ریاست د مالدارۍ او حیواني روغتیا آمریت تخنیکي ټیم ددې ولایت د مرکز ترینکوټ د چرګانو پلورنځیو څخه څارنه وکړه.
ددې څارنې په ترڅ کې د چرګانو پلورنځیو چارواکو ته د حفظ الصحې مراعتولو او د بې کیفیته غوښو نه کارولو په هکله لازمې سپارښتنې وشوې.
بل خوا یاد ټیم د شېدو غواګانو فارم څخه هم لیدنه وکړه او د غواګانو د ناروغیو او حفظ الصحې په هکله د فارم چارواکو ته لازمې سپارښتنې وکړې.
ددې څارنې موخه بې کیفیته غوښو د پلور مخنیوی او په ټوله کې د فارمونو او چرګانو پلورنځیو حفظ الصحې مراعتول او د ناروغیو مخنیوی دی.
