د ننګرهار د ممپليو سږني حاصلات ١٤٠٠ مټریک ټنو ته رسېږي
٢٩ تله ۱۴۰۲ه.ش
٦ ربیعالثاني ۱۴۴۵ ه.ق
د ننګرهار د کرنې، اوبولګولو او مالدارۍ ریاست د معلوماتو له مخې، د ننګرهار په ۱۱ ولسوالیو کې پر ۶۲۷ هکتاره ځمکه ممپلي کرل شوي.
د ننګرهار د کرنې، اوبولګولو او مالدارۍ رییس مولوي عبدالستار محمد وویل، چې سږ کال د ننګرهار په ۱۱ ولسوالیو «بهسود، هسکه مېنه، کوزکونړ، بټي کوټ، سپین غر، سرخ رود، خوږیانو، پچیراګام، چپرهار، شېرزاد، او حصارک» کې پر ۶۲۷ هکتاره ځمکه ممپلي کرل شوي؛ چې د اټکل له مخي به سږ کال ۱۴۰۰ مټریک ټنه حاصل ترې ترلاسه شي.
تېرکال په ننګرهار کې پر ۲۴۰ هکتاره ځمکه ممپلي کرل شوې وه، چې ۵۱۶ مټریک ټنه حاصل تري ترلاسه شوې وه.
دغه راز د کرنې ریاست دترویجي کارکوونکو له خوا ۴ زره او ۷۰۰ تنو بزګرانو ته د ممپلیو ناروغیو، اوبولګولو، کرنیزو عملیو، بازارموندنې، سرې ورکولو حاصل ټولو کې عملي او نظري روزنه ورکړل شوې ده.
ممپلي دصنعتي او تيلې نباتاتو له ډلې یو له مهمو نباتاتو څخه دی، چې ننګرهاري بزګرانو یې د کرلو سره لیوالتیا لري.
