د کندز دکرنې رییس: خلکو ته د اسانتیاوو برابرولو په پار صادقانه کار وکړئ
٢۵ تله ۱۴۰۲ه.ش
۲ ربیعالثاني ۱۴۴۵ ه.ق
د کندز دکرنې، اوبولګولو او مالدارۍ رییس مولوی امان الله حسن دکرنیزو چارو مدیریت او دعشر او زکاتو راټولولو له چارو څخه د څارنې په موخه د یوه پلاوې په مشرۍ امام صاحب ولسوالی ته سفر وکړ.
د کرنې، اوبولګولو او مالدارۍ ریس مولوي امان الله حسن د خپل سفر په ترڅ کې په داسې حال کې چې یو شمېر همکاران یې ورسره مل وو، د امام صاحب ولسوالۍ د کرنې او مالدارۍ د چارو له لوی مدیریت څخه لیدنه او څارنه وکړه او د چارو په لا ښه والي یې ټینګار وکړ، هدایت یې وکړه چې د خدمتونو د وړاندې کولو او خلکو ته د اسانتیاوو د برابرولو په برخه کې صادقانه او مخالصانه کارونه ترسره کړي.
همدا راز د کرنې او مالدارۍ لوی مدیر ته لارښوونه وکړه، چې د کرنیزو چارو د مدیریت په برخه کې دې ټولې ستونزې هوارې کړي، څو خدمات په وخت سره وړاندې شي.
ورپسې د امام صاحب ولسوالی د کرنې او مالدارۍ د چارو لوی مدیر د کارکوونکو په استازيتوب خبرې وکړې او ژمنه یې وکړه، چې خپلې چارې په سمه توګه پر مخ وړي.
دغه راز د کندز ولایت د کرنې، اوبولګولو او مالدارۍ رییس په امام صاحب ولسوالی کې د عشر او زکات د راټولولو له بهیر څخه څارنه وکړه او ټولو عاشیرینو او عاملینو ته یې لارښوونه وکړه، چې له خلکو سره ښه چلند وکړي او په دوامداره توګه له خپلو وسپارل شویو سیمو څخه څارنه وکړي او خپلو دندو ته پابند او هیڅوک حق نلري چې غیر اصولي عمل وکړي.
