د کندز علي آباد کې ۵۰ مالدارانو سره د څارویو د خوراکي توکو مرسته وشوه
٢۴ تله ۱۴۰۲ه.ش
۱ ربیع‌الثاني ۱۴۴۵ ه.ق
د کندز دکرنې، اوبولګولو او مالدارۍ ریاست د آغاخان پرمختیایي بنسټ په همکارۍ ددې ولایت د علي آباد ولسوالی پر ۵۰ مالدارو کورنیو د څارویو خوراکي توکي وېشلي دي.
ددغو مرستو په لړکې هر مالدار ته ۱۰۰ کیلوګرامه د څارویو خوراکي توکي او دوه قناره بوس ورکړل شوي دي.
دغه راز د یاد دفتر له خوا یادو مالدارانو ته د څارویو روزنې او پالنې په برخه کې روزنه هم ورکړل شوي دي.
ددې مرستې موخه د بېوزله مالدارانو ملاتړ او په ټوله کې د مالدارۍ سکټور ودې او پراختیا ته زمینه برابرول دي.
