ننګرهار؛ د عشر او ذکات راټولولو کې د ښې همغږۍ په پار غونډه دائره شوه
٢٢ تله ۱۴۰۲ه.ش
٢٩ ربیعالاول ۱۴۴۴ ه.ق
د ننګرهار د کرنې، اوبولګولو او مالدارۍ ریاست اړوند د عشر او ذکات امر مولوي سلیمان اسامه د غني خېلو، کامې او کوزکونړ ولسوالانو، امنیه قومندانانو او استخباراتو مدیرانو سر د عشر او ذکات په راټولولو کې د روڼتیا، عامه پوهاوی او عشر او ذکات راټولولو کړنلارو روښانه کولو په پار غونډه دائره کړه.
دغه راز په غونډو کې مسولینو ته د عشر او ذکات کارکوونکي هم ور وپېژندل شول؛ ترڅو عشر او ذکات کارونه د ولسوالانو سره په همغږۍ ترسره او د امارت په عوایدو کې زیاتوالې راشي.
دا چې د عشر او ذکات د کارکوونکو تشکیل په رسمي ډول راغلي؛ د ننګرهار د کرنې ریاست هڅه کوي په ولسوالیو کې د شرعي او اسلامي اصولو له مخې عشر او ذکات راټول او د امارت په خزانه کې جمع شي.
