لوګر کې د یوشمېر پروژو چارې روانې دي
٧ تله ۱۴۰۲ه.ش
١٤ ربیع‌الاول ۱۴۴۵ه.ق
د لوګر ولایت د کرنې، اوبولګولو او مالدارۍ رییس مولوی سیدامین هاشمي په داسې حال کې، چې د دغه ریاست د طبیعي سرچینو آمر نصیر الدین بهیج او د عوایدو آمرقاري شاهدهمراز یې هم ملتیا کوله د لوګر مرکز اړوند ځینو پروژو څخه لیدنه او څارنه تر سره کړه.
دغه پروژې، چې لسګونه اړمنو کورنیو ته پکې د کار زمینه برابره شوې ده، لوګر پوهنتون ته څېرمه د تراسونو کېندل دی او په دوه سیمو کې جریان لري، چې هر کاریګر ته د کار په بدل کې میاشتنۍ شپږ زره څلور سوه افغانۍ معاش ورکول کېږی، چې مالي لګښت یې د بشري قواو د پراختیا ادارې له لورې ورکول کېږي او شپږ میاشتې په دوام وکړي.
د پلي شویو پروژو څخه موخه په دغه ولایت کې د ځمکې لاندې اوبو مدیریت او د بې وزلي کچې کمول دی.
