پکتیا کې د ځمکې غصب مخنیوی او غصب شویو ځمکو بېرته راکرځولو تخنیکي پلاوی کړنې
١ تله ۱۴۰۲ه.ش
٨ ربیعالاول ۱۴۴۵ه.ق
د پکتیا ولایت د اماراتي، سلطاني، مرعي او وقفي ځمکو د غصب مخنوی او غصب شویو ځمکو بېرته راکرځولو تخنیکي کمېټې غړي په دې ولایت کې د ځمکې غصب مخنیوی او بېرته راګرځولو په پار هلې ځلې کړندي کړي دي.
ددغو هلو ځلو په دوام د پکتیا ولایت د امارتي، سلطاني، مرعي او وقفي ځمکو د غصب مخنیوی او غصب شویو ځمکو بېرته راګرځولو تخنیکي پلاوي
د پکتیا والي حاجي دعوت او مرستیال والي مولوي انعام الله صلاح الدین ترمشرۍ لاندې د غصب مخنیوي او غصب شویو ځمکو د تشخیص او تثبیت کمېسیون ناسته ترسره کړه
په د غه ناسته کې د غصب د مخنیوي کمېسیون سربېره پکتیا امنیه قومندان، مرافعې محکمې او علماوو شورا ریبسانو هم ګډون درلود، چې په ترڅ کې یې ځینې هغه سیمې او غرونه تربحث لاندې ونیول شول چې لایې هم په اړه د غصب مخنیوي کمېسیون له لوري نهایي پرېکړه نه ده ترسره شوې.
په ناسته کې د هغو سیمو یادونه وشوه، چې د جلغوزیو ونې پکې موجودې او د قومونو ترمنځ په یادو جلغوزیو خپل منځي ستونزې او دعوې روانې دي، چې دغه ستونزې هر ځل د جلغوزیو حاصلاتو په وخت کې راپورته کېږي.
په یاده ناسته کې د هغو سیمو په اړه، چې لا هم پرې د قومونو ترمنځ خپل منځي ستونزې موجودې دي پرېکړه وشوه، چې د سږنیو جلغوزیو حاصلاتو پیسې به یې له پلورلو وروسته په یوه دریم ګړي ځای( کرنې او مالدارۍ) ریاست باندې اېښودل کېږي هر کله، چې د قومونو ترمنځ رامنځته شوې ستونزې حل او کوم لوری چې ګټونکی شو یادې پیسې به له هغه وروسته همدغه ګټونکي لوري ته ورکول کېږي خو ټینګار وشو، چې لاهم ډېری دولتي ځمکې چې اوس مهال پرې عام خلک متصرف دي په بشپړ ډول نه دي تثبیت شوې او په دې اړه به د ځمکو د غصب مخنیوي کمېسیون راتلونکي کې خپل پاتې اجراات ترسره کوي.
د پکتیا والي حاجي دعوت د امنیه قوماندانۍ، علماوو شورا او مرافعیې محکمې مسؤلینو ته لارښوونه وکړه، چې په دې برخه کې د ځمکو د غصب مخنیوي کمېسیون سره همکار اووسي.
