د ننګرهار کانال شرکت: د لمريز سیسټم پرمټ به نږدې دوه زره جریبه ځمکه خړوبه شي
١ تله ۱۴۰۲ه.ش
٨ ربیعالاول ۱۴۴۵ه.ق
د ننګرهارکانال شرکت چارواکي وايي، چې د غوچکو لمریز سیسټم دتخنيکي ستونزو په هوارۍ سره به دا لمریزه برېښنا ١.٢ ميګاواټه برېښنا تولیدوي چې د ٥٠ واټر پمپونو په ذریعه به د هډې فارم او شته اهالیو شل زره جریبه ځمکه خړوبه کړي.
یاد سیستم له ډرونټې برېښنا کوټ څخه په لس کیلومترۍ کې واقع دی.
د ننګرهار د کانال شرکت د اوبولګولو او تخنیکي څارنې انجنیر ګل احمد وویل، چې په دې پروژه کې د یوه اندازه تخنيکي ستونزو له کبله شته واټرپمپونو په کافي اندازه د اوبو پورته کولوظرفيت نه لرل، ددغې ستونزي د حل په موخه کانال شرکت د فني انجنيرانو لوري د ترميم چارې وروستۍ او د بشړېدا مرحلي ته رسېدلي.
د نوموړي په وینا د لمریزې برېښنا دا سيستم کابو درې کاله وړاندې د اسیایي پراختیا بانک د نېږدې ۱۴۳ میلیونه افغانیو په مالي لګښت دهډې فارم په سیمه کې د ۳۶۱۶ سولري / لمریزو تختو په نصبولو فعاله شوې وه .
انجنیر ګل احمد زیاته کړه، چې ددې سیستم پرمټ به د څلور زره هکتاره ځمکې څخه چې پخوا به يې یوازې ۱۶ سوه هکتاره ځمکه خړوبېدله، تر دې وروسته به ټولې ځمکې ته اوبه ورسېږي، سرسبزي به رامنځته شي، زراعتي محصولات به زیات شي.
