سپین بولدک ولسوالی ته دکندهار دکرنې رییس سفر 

دکندهار دکرنې، اوبولګولو او مالدارۍ رییس مولوی محمود مظلوم سپین بولدک ولسوالی ته د سفر په ترڅ کې ددې ولسوالی د ګمرک له قرنطین مرکز څخه لیدنه وکړه.
 دکندهار دکرنې رییس مولوی محمود مظلوم سپین بولدک ولسوالی ته د سفر په ترڅ کې ددې ولسوالی ولسوال سره په کتنه کې ددې ولسوالی پر بېلابېلو کرنیزو موضوعاتو دخبرو اترو او د دوی د ستونزو د اورېدو ترڅنګ د ګمرک قرنطین مرکز د کرنیزو محصولاتو څخه هم لیدنه وکړه.
ددې لیدنې په ترڅ کې د کندهار دکرنې رییس د قرنطین مرکز د چارواکو او کارکوونکو کړنې او فعالیتونه وستایل او له هغوی څخه د مننې ترڅنګ وویل: «هڅه کړئ، چې د ولس او مراجعینو کارونه پر وخت ترسره کړئ.» ښاغلی مظلوم ددې قرنطین له چارواکو سره د هرراز همکاریو ژمنه هم وکړه.
په همدې حال کې د یاد قرنطین مرکز چارواکو د کندهار دکرنې رییس ته ډاډ ورکړل، چې خپلې چارې په پوره ایماندارۍ او اخلاص سره پر مخ وړي او ولس ته به اسانتیاوې رامنځته کوي.