پکتیا کې نږدې ۳۰ جیوډیزیکي شبکې جوړېږي
٢۸ وږي ۱۴۰۲ه.ش
۴ ربیعالاول ۱۴۴۵ه.ق
د پکتیا ولایت د کرنې، اوبو لګولو او مالدارۍ رییس مولوي عبدالروف سعید د کرنې، اوبولګولو او مالدارۍ وزارت مقام څخه راغلي پلاوي سره ناسته ترسره کړه.
یاده ناسته کې د کرنې، اوبولګولو او مالدارۍ وزارت مقام پلاوي پکتیا ته د خپل سفر په هکله وویل، چې دوی غواړي د پکتیا ولایت مرکز ګردیز په ګډون په ټولو ولسوالیو کې نږدې ۳۰ جیوډیزیکي شبکې جوړې او د کرنې، اوبو لګولو او مالدارۍ ریاست په واک یې ورکړي، چې د یادو جیوډیزیکي شبکو په موجودیت کې به په راتلوونکي کې ټولې ساختماني پروژې لکه سړک، د سړک آړوند پلونه او نور سوداګریز او استوګنیز ساختمانونو په معیاري جوړولو کې به ترې ګټه پورته شي.
دا چې پکتیا ولایت د څو ولایتونو د زون مرکز شمېرل کیږي لکه د نورو زونونو په څېر یاد کار تر اوسه پورې په پکتیا ولایت کې نه وو ترسره شوي.
په همدې حال د پکتیا دکرنې رییس یاد پلاوی ته د هر ډول همکاریو ډاډ ورکړ او وویل، چې کارونه موپه ښه توګه ترسره او د اراضي کارکونکو په همغږی سره مخته لاړ شئ.
