هلمند کې د ځمکې غصب مخنیوي تخنیکي پلاوي ۶۴مه نوبتي غونډه دائره شوه
۲۲ وږي ۱۴۰۲ه.ش
۲۷ صَفَرُ المُظَفَّر ۱۴۴۵ه.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ۶۴مه نوبتي غونډه ترسره کړه.
د هلمند ولایت د ځمکو د غصب مخنيوي او غصب سوو ځمکو د تثبیت تخنیکي پلاوي خپله ٦۴مه نوبتي ناسته د کرنې په ریاست کې ترسره کړه.
په یاده غونډه کې د یادې کمېټې رییس الحاج مولوي نظر محمد صدیقي تر څنګ نورو غړو هم حضور درلود.
تخنیکي پلاوي په نننۍ ناسته کې د بولان څیړنیز فارم کې د ٣.٥ جریبه غصب سوې ځمکې په اړه د ځمکو غصب مخنیوی کمیسیون لخوا د یو لړ نیمګړتیا د پوره کولو په اړه بحث او خبرې وکړې او له اړونده اداراتو یې د معلوماتو اخیستلو په موخه لازمې کړنې ترسره کړې ، همدارنګه د پی آر ټي د ځمکې په اړه د ولایت محترم مقام ته تحریري معلومات ترتیب او وړاندې شول.
تخنیکي پلاوي د سنګین ولسوالی کې عیدګاه جامع جومات ته څېرمه د ځمکې پر سره د اشخاصو دعوی اسناد او سوابق و ارزول او اړونده لوریو ته یې د موضوع د حل په برخه کې د اجرائتو ډاډ ورکړ.
ددې ترڅنګ تخنیکي پلاوي په مارجې ولسوالی کې د ٢٠زره جریبه او نهرسراج ولسوالی کې د ٤٥٠٠ جریبه ځمکې پر سر ددعوی د لوریو سره لیدنې وشوې او په دې برخه کې یې د اما/رتي او شخصي ځمکو تشخیص، تثبیت او تفکیک په اړه د هر اړخیزو څېړنو تر سره کولو ژمنه وکړه.
دنننۍ ناستې په لړ کې د بولان پر دښت د لسمې حوزې او مرکز لښکرګاه کې د ٩حوزې په سیمو کې د رهایشي نمرو او پلانونو په اړه د بېلابېلو اشخاصو او مراجعینو سره لیدنې وشوې، اسناد او سوابق یې و ارزول شول او د وروستیو کړنو لپاره د لازمو اجرائتو ترسره کولو پریکړې وشوې.
تخنیکي پلاوي په وروستیو کې د لسګونو مراجعینو املاکي ستونزې په مخامخ ډول واورېدې او د ستونزو د حل په برخه کې یې لازم اجرائت ترسره شول.
